Avammut tunisanut kisitsisit
Siunertaq
Saqqummersitap siunertaraa piaarnerusumik aalisarnermiit avammut tunisartakkat tamanut paasissutissiissutiginissaat.
Imarisaa
Saqqummersitami ilaatinneqarput Kalaallit Nunaata aalisarnermi avammut tunisartagarisai pingaarnerit. Tassani pineqarput raajat, saarulliit, qalerallit, saattuat, nipisap suaalu. Tunisassiat allat assersuutigalugu suluppaakkat, qeeqqat, aalisakkat immap ikeraneersut, uiluiit, puisininngaaneersut, savaninngaaneersut uumasunillu allaneersut saqqummersitami taamaalillutik ilaatinneqanngillat.
Iluarsiissuteqarneq
Una saqqummersitaq iluatsillugu marsip 15-iani saqqummersitaq 2022-mi februaarimi aalisakkat avammut tunisaanerat iluarsiissuteqarfigineqarpoq. Iluarsiissut katillugu 11,4 mio. kr.-inik annertuseriarnermik kinguneqarpoq, iluarsiissutit februaarimut tunngasuupput taavalu raajanuinnaq tunngasuullutik. Iluarsiissuteqartariaqalerneq pissuteqarpoq, Akileraartarnermut Aqutsisoqarfimmut nunanut allanut tunisinermi nalunaartussaatitaanermut tunngasut kingusinaartumik qarasaasianut ikkussuunneqarsimammata. Iluarsiissutit tabel 4-mi sukumiinerusumik misissuataarneqarsinnaapput.
Avammut tunisat nalingi 8,0 pct.-mik annertuseriartut
2022-mi januaarimiit juunimut avammut tunisat nalingi katillugit 1.969 mio. kr.-usimapput. Ukiup siulianut sanilliullugit 145 mio. kr.-inik annertunerupput, annertuseriarnerlu katillugu 8,0 pct.-iuvoq. Eqqaamaneqassaarli kisitsisit utaqqiisaagallaq naatsorsuinerummata taamaattumillu kingusinnerusukkut iluarsiiffigineqarsinnaallutik paasissutissat tamakkiinerusut pigineqalerpata.
Titartagaq 1. Avammut tunisat nalingat januar-juni, mio. Kr.
Raajat
Raajat januar-juni 2022-mi avammut tunisaanerisa nalingat 14,0 pct.-imik annertuseriarsimavoq, tamanna 151 mio. Kr.-nik naleqarpoq. Avammut tunisat annertussusaat 9,1 pct.-imik qaffappoq akillu 4,5 pct.-imik qaffallutik.
Qalerallit
Qalerallit avammut tunineqartut nalingat 4,6 pct.-imik annertuseriarsimavoq, tunineqartut annertussusaat 12,0 pct.-imik annikilleriarsimasoq. Taamaalilluni kilomut akit 18,8 pct.-inik qaffassimapput.
Saarulliit
Saarulliit avammut tunineqartut nalingat 10,4 pct.-imik appariarpoq, tunineqartut annertussusaat 30,3 pct.-imik appariarsimanera pissutaalluni. Saarulliit avammut tunineqartut kilomut akia 28,6 pct.-imik qaffappoq.
Saattuat
Saattuat avammut tunineqartut nalingat 12,3 pct.-imik annertuseriarsimavoq, tunineqartut annertussusaat 25,3 pct.-imik annikilleriarsimasoq. Kilomut akia 50,3 pct.-imik qaffassimalluni.
Nipisap suai
Nipisap suai avammut tunineqartut nalingat 23,3 pct.-imik appariarpoq, tunineqartut annertussusaat 12,7 pct.-imik appariarsimanera pissutaalluni. Taamaalilluni kilomut akit 12,2 pct.-imik apparsimapput.
Titartagaq 2. Aalisakkat avammut tunisaanerat, mio. kr.
|
Najoqqutaq: https://bank.stat.gl/IENEXPMND |
Titartagaq 3. Aalisakkat pingaarnerit avammut tunisaanerat qaammatikkaarlugu
|
Titartagaq 4. Procentinngorlugu allannguutit ukiup siulianut sanilliullugit, Raajat
Titartagaq 5. Procentinngorlugu allannguutit ukiup siulianut sanilliullugit, Saarulliit
Titartagaq 6. Procentinngorlugu allannguutit ukiup siulianut sanilliullugit, Qalerallit
Titartagaq 7. Procentinngorlugu allannguutit ukiup siulianut sanilliullugit, Saattuat
Titartagaq 8. Procentinngorlugu allannguutit ukiup siulianut sanilliullugit, Nipisap suai
Titartagaq 9. Raajat qalipallit qalipaajakkallu kilumut akiisa ineriartornerat
|
Titartagaq 10. Qalerallit suliareqqitat suliareqqitaanngitsullu kilumut akiisa ineriartornerat
|
Titartagaq 11. Saarulliit suliareqqitt suliareqqitaanngitsullu kilumut akiisa ineriartornerat
|